SAG.DU-su ú-ḫar-ra-ár : ⸢x⸣ [x x x] ⸢SAG.DU⸣ [x x x x] ⸢x⸣ [x x] ⸢x⸣

[TE]-MEŠ-šú ú-gal-lab : TE-MIN^!(A-)šú ⸢KIMIN^?⸣ [:"] le-e-tu ⸢x x x :⸣ ⸢3^*⸣ [ITI]-⸢MEŠ⸣ uš-[ta-pa-áš-šaq]

⸢x x x MEŠ x x x-lu^?⸣-ma pu-uš-qí im-⸢šu^?-x⸣ [x x] ⸢x x x x :⸣ [x x x x]

⸢x x x⸣ [x x x x] ⸢NA⸣ ŠUB šá it-ti MUŠ.SAG.[KAL x x x] ⸢x⸣ ŠÀ an [x (x)]

[x x x x x x NA] ⸢BI⸣ GISKIM^{* giš}NÁ : ina ^giš⸢NÁ^?⸣ [x x x (x) :] MÚRU [DAM u DAM]

MÚRU [x x x x x KUD]-MEŠ NU TI-MEŠ : ⸢ip⸣-[par-ra-su-ma] ul i-bal-lu-ṭu

UKKIN ⸢AL^*⸣-[GAZ : pu-uḫ-ru x x] ⸢x⸣-ku^? : GAZ : ḫe-pu-ú : BE^ma GIG BE^ma is-sal-la-aʾ

⸢GIG⸣ [: (x x) sa-la-aʾ]-ú : is-sal-la-aʾ : i-mar-ru-uṣ : * ina ^itiBÁRA TA U₄ 1.KAM

[EN U₄ 30.KAM] ⸢MUŠ⸣ ina SILA TA^! ZAG LÚ ana GÙB LÚ is-ḫur LÚ BI ina KUR KÚR-šú du-lu₄ GIG ⸢TÙM⸣

[(is-ḫur) : GIŠ].⸢ḪUR⸣ : e-ṣe-ri šá-niš i-ti-iq šal-šiš il-lik : GIŠ^gi-^iš.^ḫa-^ášḪUR^* : ḫa-⸢x⸣-(x)-⸢x⸣ : a-la-[ku^?]

[du-lu₄ :] bi-kí-tu₄ : MUŠ ina SILA uš-te-eṣ-bi-šú : šá LÚ ú-man-du IGI-ma MUŠ la ig-lu-ut

šu TÉŠ.BI KAR-šú : TÉŠ.BI : bal-tu₄ : bal-tu₄ : bu-nu : KAR : e-zeb šá-niš šu TÉŠ.BI KAR-šú

šá E^{ú ina ṭup-pi ul šá-lim}: ik-tap-pi-lu <:> gú ì^!(MIN-)ak-a : kit-pu-lu : šá GÚ it-ti-qu

šá-niš 2 MUŠ-MEŠ aš-šum ṣa-al-tu₄ : 3 ITI šú-nu-ti uš-ta-pa-šaq-ma : ina ITI šá ana ⸢da⸣-[li]-⸢x⸣ ṭa-a-bi

šá i-bir-ru-ú u i-ṣa-am-mu-ú šu-ú šup-šu-qu : ú-še-di-ma : ú-šá-am-de-e-ma

ú-še-eʾ-ú-ma : KIN.KIN : ši-te-eʾ-ú : bu-uʾ-ú : ina qé-reb EN.TE.NA : dan-na-tú : ku-ṣu

ek-let nam-rat : a-na muš-ke-ni qa-bi : šá-lum-mat : bal-tu₄ : du-ú-tu₄ : bal-tu₄

⸢du⸣-ú-tu₄ : bu-nu : nam-ḫa-ra DIR-ma : ki-ma ^dugA.GÚB.BA tu-ka-ni-ma

⸢* NA^?⸣ MUŠ GAZ-ma TI-ma ana ŠÀ ḪABRUD^* KU₄ : šá MUŠ i-du-ku-ma iš-šu-ú iq-bi-ri : TI :^* la-qu-u

[x x] ⸢ib⸣-luṭ-ma ana ŠÀ ⸢ḪABRUD^*⸣ KU₄ : TI : ba-la-ṭu : NÍG.ŠU-šu DÙ-šú KIMIN<(NÍG.ŠU-šu)> DÙ-šú DUMU-šú GU₇ : NÍG.ŠU-šú DÙ-šú :

[iz]-⸢zíb⸣-šú : iz-zib-šú : DÙ : e-ze-bu : DUMU-šú GU₇ : bu-šu-šú ik-kal : DUMU : bu-šu-ú

[x] : ṣe-rì : lem-nu : uš-ta-aḫ-ma : ú-ši-iḫ-ma : UR₅^ta : šu-a-tú : ina KI.KAL DU₈^*-šú

[aš-šum] šá ma-diš ina muḫ-ḫi-šú i-ku-šú : im-ṣur : im-šur : il-lik : i-tak-kal : DU.DU : it-ku-lu

[DU].⸢DU⸣ : mit-ḫu-ṣu : * MUŠ ana bu-di NA ŠUB^ut mu-kil ku-tál-li NA UG₇ : bu-di : ku-tal-la

[mu]-⸢kil⸣ ku-tál-li NA : ku-tal : MUŠ.^dMUŠ : ni-ra-ḫu : MUŠ ŠU-MIN NU GAR ma-gal ár-ki

22 * URU ina SUKUD GARⁱⁿ NU AL.TIL

[*] ⸢MUŠ⸣ ana UGU NA šá di-na ge-ru-ú ŠUB^ut di-in-šu GÍD.DA GÁL : iṣ-bur-ma : is-si-ma

ZI.ZI : ṣa-bar šá iṣ-ṣur : MUŠEN ZI.ZI : ši-si-tú šá iṣ-ṣur : U₄^mi ri-qí : U₄ 29.KÁM

[U₄^mu] ⸢šá⸣ ^d30 la ú-šu-uz-zu : * MUŠ NA IGI-ma GAZ-šú NA BI a-di-ra-tu-šú NU TE-MEŠ-šú

[ina u₄-mi šá a-na] ⸢da^*⸣-a-ku ṭa-a-bu IGI-ma i-duk : aš-šum U₄ 20.KÁM šá ^itiGU₄

[x x x x x x x x x x x x x] x : ši-gu-ú DUG₄^si-ma NAM.⸢BÚR^*.BI^* DUG₄^?si?⸣

[x x x x x x x x x x gi]-⸢na⸣-a DÙ.A.BI : UD^mu ma-la ^dUTU nap-ḫi

[x x x x x x x x x ú]-⸢ḫab⸣-ba-ab : ḫa-ba-bu : ḫa-ṣa-nu : ḫa-ba-bu : na-šá-qa

[x] x x mi na-áš-kun ri-gim : MUŠ rit-ti GAR-ma GIM UR.MAḪ i-ram-mu-um

      ri-gim <<:>> šá-kin-ma : ri-iṭ-ṭu : ri-gim : ana ŠÀ TÚG KU₄ : a-na ŠÀ mé-eḫ-ṣi šá-niš <<⸢x x x x⸣>>

[a]-šar ši-si-ti šak-na-ti^* : EN UMUŠ^* BI SAG.TUK ba-lá-ṭi TUK^ši : mu-kil re-eš ba-la-ṭu TUK^ši : ḫa-ṭi-tì^*

⸢le⸣-mut-tú : ḪUL UZU-MEŠ ḫa-ṭu-tu₄ pár-du-tú ḪUL-MEŠ NU DÙG.GA-MEŠ : GUB.GUB^az : šá ú-šu-uz-zu-ma la zak-ku-ú

[*] MUŠ ina É LÚ ŠUB-ma DU.DU^ak : šá a-na ḪABRUD^*-MEŠ u É-MEŠ la ir-ru-bu : NUNUZ^* iš-tak-na :

⸢šá⸣ ina É LÚ ul-la-du : BÚN.BÚN^aḫ : ú-nap-pa-aḫ : i-ziz-eš : e-ze-zi-iš

⸢šá⸣ ez-zi-iš i-šá-as-su-ú šá-niš šá šá-qí-iš i-šá-as-su-ú : ana kiš-šá-tu₄ : ana sa-ár-tú

⸢up⸣-ta-nar-rad : šá ^lúÉRIN^!-MEŠ ina bi-ri a-ḫa-meš ú-par-ra-du aš-šum ga-la-tu₄ šá ^lúÉRIN^!-MEŠ

[šá-niš] ⸢up⸣-ta-nar-rad : up-ta-na-al-làḫ : * MUŠ ina É NA ^gišIG ^gišSAG.KUL NIGIN-ma

[a]-⸢na^?⸣ BAD^e NU SUMⁱⁿ É BI DAGAL^iš KIMIN<(É)> BI ŠUB^di : ana kab-tu dum-qí ana MAŠ.EN.GAG lum-nu

⸢aš⸣-šum šu-tuk-ku dan-nu-tu₄ šá ^dNIN.GÍR.ZI.DA : šu-tuk-ku : sik-kát^* : * MUŠ-MEŠ GIL-MEŠ : ⸢it⸣-gu-ru-tú

PÉŠ^* : ḫu-si-ri : * MUŠ ina É LÚ bu-ʾu-ra DÙ^uš : šá mim-ma šá kap-pi sag-[x x x]-ru

i-dam-mu-um : šá ši-si-ti <<:>> ma-a-du : dul-la : bi-ki-tu₄ : dul-la : ta-né-ḫi

gi-nam-ma : ka-a-a-ni-iš : DIŠ MUŠ ina É LÚ IGI : šá GÌR-MEŠ-šú ú-še-eṣ-ṣa-a

sa-da-ru : ka-a-a-nu : an-ta : tap-pu-ú : * MUŠ MUNUS ina a-sur-re-e ina la e-de-e

      DIB^su-ma BAR-šú MUNUS BI DINGIR TUK^ši šá E^ú aš-šum MUŠ u MUNUS ud-dim-šú-nu

* MUŠ ana É LÚ KU₄ šá ina UKKIN UN-MEŠ ana É LÚ i-ru-bu : MUD-su : ú-gal-lit-su

* MUŠ ina UGU ^gišNÁ LÚ NÚ^iṣ : šá ir-bi-ṣu-ma la it-bu-ú : ÉŠ-su-nu : áš-⸢lat-su^*-nu^*⸣

ṣa-a-tú šu-ut pi-i u maš-a-a-al-tú šá KA um-man-nu šá ŠÀ <*> ina ^itiBÁRA U₄ 1.KÁM la-⸢am⸣

      LÚ GÌR-šú ana KI GAR^nu ù * MUŠ ana UGU NA šá di-na ge-ru-ú ⸢ŠUB⸣[^ut]

23 mál-su-ut * URU ina SUKUD GARⁱⁿ NU AL.TIL * MUŠ ina UGU ⸢^giš?NÁ^?⸣ [NA NÚ^iṣ]

IM.GÍD.DA ^mI-^dEN.LÍL A-šú ^mdUTU-ŠEŠ^meš-MU A ^mDIR-u-⸢tu^?⸣1