EA 001

[a]-⸢na⸣ ^mka-da^!-aš^!-ma-an-en-lil₂ LUGAL KUR ka-ra-an-du-⸢ni-ia₂-aš⸣

ŠEŠ-ia qi₂-bi₂-ma um-ma ^mni-ib-mu-a-re-a LUGAL GAL

LUGAL KUR mi-iṣ-ri-i^ki ŠEŠ-ka-ma a-na maḫ-ri-ia šul-mu

a-na maḫ-ri-ka lu-u₂ šul-mu a-na E₂-ka a-na DAM.MEŠ-ka

a-na DUMU.MEŠ-ka a-na LU₂.MEŠ GAL.GAL.MEŠ-ka ANŠE.KUR.RA.MEŠ-ka

GIŠ.GIGIR.MEŠ-ka a-na lib₃-bi KUR.KUR-ka da-an-ni-iš lu-u₂ šul-mu

a-na ia-a-ši šul-mu a-na E₂-ia a-na DAM.MEŠ-ia a-na DUMU.MEŠ-ia

a-na LU₂.MEŠ GAL.GAL.MEŠ-ia ANŠE.KUR.RA.MEŠ-ia GIŠ.GIGIR.MEŠ

ERIN₂.MEŠ ma-ad šul-mu u₃ <a-na> lib₃-bi KUR.KUR-ia ma-gal šul-mu

a-nu-um-ma aš-te-me a-wa-ta₅ ša ta-aš-pu-ra UGU-še a-na ia-ši

um-ma-a-mi a-nu-um-ma tu-ba-a DUMU.MUNUS-ia a-na DAM-ut-ti-ka

u₃ a-ḫa-ti-ia ša id-di-na-ku a-bi-ia aš-ra-nu it-ti-ka

u₃ ma-am-ma u₂-ul i-mu-ur-ši i-na-an-na šum-ma ba-⸢al-ṭa₂-at⸣

šum-ma mi-ta-at ša ta-aš-pu-ra-an-ni i-na lib₃-bi DUB-ka

an-nu-tu₄ a-wa-ṭi₂-ka u₃ im-ma-ti ta-aš-pu-ra LU₂-ka DUGUD

ša i-de₄ a-ḫa-at-ka ša i-dab₂-bu-ub it-ti-še

u₃ u₂-ma-an-de-ṣiₓ(ŠE) u₃ li-id-bu-ub it-ti-še

LU₂.MEŠ ša ta-ša-ap-pa-ra ri-i-qa LU₂ DUMU.KIN-⸢ri⸣

ša ^mza-qa-ra 1-en LU₂ SIPA ANŠE.ḪI.A ⸢ša KUR⸣ [x x x x ša]-⸢nu⸣-u₂

i-ia-nu 1-en lib₃-bi-šu-⸢nu⸣ [LU₂.DUGUD] ⸢ša⸣ qe₂-ri-ib

a-na a-bi-ka u₃ ⸢ša⸣ [x x x x x] ap-pu-na-ma

LU₂.MEŠ DUMU.KIN-ri ⸢šam⸣ i-[zi-zu] ⸢it⸣-ti-ka u₃ [li]-qa-bi ši-i

[x x x x x x x] x lib₃-bi-⸢ši⸣ [x x x x x] x a-ši

[x x x x x x x x] ⸢ap⸣-pu-[na-ma x x]-ma u₃ ti-na-din

[x x] a-⸢na⸣ ŠU-ti-šu [a]-na la-⸢qe₂⸣-[e] a-na um-mi-še

u₃ i-nu-ma ta-aš-pu-ra um-ma-a-mi ta-aq-ta-bi-mi

a-na LU₂.MEŠ DUMU ⸢KIN⸣-ia u₃ DAM.MEŠ-ka pu-ḫu-ru₃ iz-za-a-zu

i-na pa-ni-ka um-ma-a a-mur be-el-ti-ku-nu ša iz-za-az

i-na pa-ni-ku-nu u₃ LU₂.MEŠ DUMU.KIN-ia u₂-ul i-de₄-ši

ši-i a-ḫa-ti-ia ša ki-ka-ša a-nu-um-ma at-ta-ma

ta-aš-pu-ra um-ma-a u₂-ul i-du-ši LU₂.MEŠ DUMU.KIN-ia

u₃ ma-an-nu ⸢lu⸣-me₂-di-ši-ma ta-qa-ab-bi am-mi-⸢ni⸣

la ta-šap-pa-ra LU₂-ka DUGUD ša i-qab₂-ba-ku a-wa-at ki-ti

šu-ul-ma-ni ša a-ḫa-ti-ka ša an-ni-ka-a

u₃ ta-qa-ap ša i-ru-ub a-na a^!(NA)ma-ri(RA) E₂-še

u₃ ṭe₄-em-še it-ti LUGAL u₃ i-nu-ma ta-aš-pu-ra

um-ma-a-mi mi-in₄-de DUMU.MUNUS 1-en mu-uš-ke-nu

u₃ šum-ma 1-en KUR ga-<aš>-ga-ia šum-ma DUMU.MUNUS KUR ḫa-ni-gal₉-bat-i

u₃ mi-in₄-de ša KUR u₂-ga-ri-it.⸢KI⸣ ša i-mu-ru₃

LU₂.MEŠ DUMU.MEŠ KIN-ia u₃ ma-an-nu i-qa-ap-šu-nu

ša ki-ka-ša ⸢an-ni⸣ u₂-ul ip-⸢te₉⸣-[e] pi₂-še

u₃ mi-im-ma u₂-ul i-qa-ap-šu-[nu u₃] an-nu-tu₄

a-wa-ṭi₂-ka u₃ šum-ma mi-ta-⸢at⸣ [a-ḫa-at]-ka

u₃ ma-mi-nu u₂-ka-ta ⸢mu⸣-[ta-še u₂ ma-mi-nu]

nu-še-zi-iz ša-ni-[ta]

:" ^da-ma-nu-um a-[na x x x x x]

[a]-ḫa-at DAM-ti ra-[bi-ti]

[a]-⸢na⸣ be-el-ti E₂-⸢ti⸣

[1] kal₂-la-ti ša i[...]

UGU ka-li DAM.MEŠ [...]

ša LUGAL.MEŠ ša KUR mi-iṣ-⸢ri⸣-[i]

i-na KUR mi-[iṣ]-⸢ri⸣-i u₃ i-nu-ma ⸢ta⸣-aš-pu-ra um-ma-a

DUMU.MUNUS.MEŠ-⸢ia ša⸣ i-na DAM-ut-ti it-ti LUGAL.MEŠ ša ⸢li^!⸣-[mi^!]-⸢ti^!⸣-[ia]

u₃ šum-ma [i-ba-šu] LU₂.MEŠ DUMU.KIN-ia aš-ra-nu u₃ i-dab₂-bu-bu

it-ti-ši-[na u₃ u₂]-⸢še⸣-bi-lu-ni-in₄-ni šu-ul-ma-na

ša ki-ka [x x x x x an]-⸢nu⸣-tu₄ a-wa-te-ka mi-in₄-de₉ LUGAL.MEŠ

ša li-mi-[ti-ka] ⸢ša⸣-ru-ti ra-bu-ti DUMU.MUNUS.MEŠ-⸢ka⸣

i-ra-aš-šu-u₂ mi-im-ma it-ti-šu-nu u₃ u₂-še-bi-lu-ni-ku

u₃ mi-ni it-ti-še a-ḫa-at-ka ša it-ti-ia u₃

ta-ka-ša-ad mi-im-ma u₃ u₂-še-bi-la-ak-ku

SIG₅ ki-i ta-na-an-din DUMU.MUNUS.MEŠ-ka a-na ra-ši / liq-ta

ša li-mi-ti-ka u₃ i-nu-ma ta-aš-pu-ra a-wa-te.MEŠ

ša a-bi-ia e-zi-ib la ta-qab₂-bi a-wa-te-šu

ap-pu-na-ma šu-ku-un at-ḫu-ut-ti DUG.GA-ti i-na bi₄-ri-nu

ša ta-aš-pu-ra an-nu-tu₄ a-wa-ti₂-ka a-nu-um-ma at-ḫa-nu

a-na-ku u₃ at-ta ki-la-li-nu u₃ aṣ-ṣe₂-el UGU

LU₂.MEŠ DUMU.KIN-ka ki-i i-qa-ab-bu-u₂ <i-na> pa-ni-ka um-ma-a mi-im-ma

u₂-ul i-na-an-di-nu-na-ši ša i-la-ku i-na KUR mi-iṣ-ri-i

⸢ša⸣ il₅-la-ku-ni₇ mu-ḫi-ia u₃ i-la-ak 1-en lib₃-bi ši-na

[u₃ la] il₅-te-qe₂ KU₃.BABBAR.ḪI.A KU₃.SIG₁₇.MEŠ I₃.ḪI.A TUG₂.ME.ḪI.A ka-li mi-ma SIG₅

[UGU ša i]-⸢na KUR⸣ ša-ni-ti u₃ i-qa-ab-bi la ki-ti

a-na ša-[a i]-⸢šap⸣-par₂-šu 1-en-nu-tum it-ta-at-la-ku

LU₂.MEŠ DUMU.KIN a-na [a-bi]-⸢ka⸣ u₃ pi₂-šu-nu sa₃-ru-ti i-dab₂-bu-bu

ša-nu-ti it-tal-ku [u₃] sa₃-ru-ti i-dab₂-bu-bu-ni-ik-ku

u₃ aq-bi a-na-ku šum-ma [a-na-an]-di-na-aš-šu-nu-ti mi-im-ma

šum-ma u₂-ul a-na-an-din-šu-nu ⸢sa₃⸣-[ru]-⸢ti⸣ i-dab₂-bu-bu ka-na-ma

u₃ aš-ku-un-šu-nu-ti u₂-ul ad-⸢din⸣ [mi-ma] ⸢mu-ḫi⸣-šu-nu ap-pu-na-ma

u₃ i-nu-ma ta-aš-pu-ra um-ma-a ta-aq-[bi-a]-⸢ma⸣

a-na LU₂.MEŠ DUMU.KIN-ia um-ma-a i-ia-nu ERIN₂.MEŠ a-na be-⸢li⸣-[ku-nu]

u₃ u₂-ul ba-na-at ṣu₂-ḫa-ar-ti id-di-nu-ni

an-nu-tu₄ a-wa-tu-ka i-ia-nu la ki-ti i-dab₂-bu-bu-ka

LU₂.DUMU.MEŠ KIN-ka ka-an-na-ma šum-ma i-ba-aš-ši ERIN₂.MEŠ ḫu-⸢ra-ad⸣

šum-ma la i-ba-aš-ši ud-du₂-ni mi-nu-ni aš-ša-a-li-šu

šum-ma ERIN₂.MEŠ i-ba-aš-ši at-tu-ka šum-ma i-ba-aš-ši

ANŠE.KUR.RA.MEŠ at-tu-ka-ma e la te-še-me ši-na

LU₂ DUMU.MEŠ KIN-ka ša pi₂-šu-ni sa₃-a-ru ša ta-šap-par

an-ni-ka-a šum-ma pal-ḫu-ni-ik-ku u₃ i-<dab₂>-bu-bu sa₃-ra-ti

aš-šum a-ṣe₂-e i-na ŠU-ti-ka i-nu-ma ⸢taq₂⸣-ba-a

um-ma-a it-ta-din GIŠ.GIGIR.MEŠ-ia i-na lib₃-bi GIŠ.GIGIR.MEŠ

LU₂.MEŠ ḫa-za-nu-ti u₂-ul ta-mu-ur-šu-nu a-ḫi-ta₅

tu-ṭe₄-pi₂-il₅-šu-nu a-na pa-ni ma-a-ti ša ki-ka

u₂-ul ta-mu-<ur>-šu-nu a-ḫi-ta₅ lu-u₂ an-ni-ka (U₃)

GIŠ.GIGIR.MEŠ lu-u₂ an-ni-ka-a ANŠE.KUR.RA.MEŠ-ia

⸢ma⸣-ti-ia e-ri-šu gab₂-ba ANŠE.KUR.RA.MEŠ

GIŠ.GIGIR.MEŠ i-nu-ma ta-aš-pu-ra a-na

ŠU-ti:ia^! ri-⸢qa₃⸣ a-na ša-ka-an I₃.ḪI.A a-na ⸢SAG⸣

⸢MI₂⸣ ṣu₂-ḫa-ar-ti at-ta ta-aš-pu-⸢ra⸣-ni

1^! NIG₂.⸢BA⸣ I₃ ṣa-aḫ