EA 010

[a-na na-ap]-⸢ḫur⸣-ra-⸢re-ia⸣ LUGAL KUR ⸢mi⸣-[iṣ-ri-i qi₂-bi₂-ma]

⸢um⸣-ma bur-ra-bu-ri-ia-aš LUGAL KUR ka-ra-an-⸢du-ni⸣-[ia-aš]

a-na ia-a-ši šu-ul-⸢mu⸣

a-na ka-a-ša a-na bi-ti-ka a-na aš-ša-ti-ka a-⸢na⸣ [DUMU.MEŠ-ka]

a-na ra-ab-bu-ti-ka a-na ṣa-bi-ka

a-na GIŠ.GIGIR.ḪI.A-ka a-na si-si-ka u₃ a-na ma-ti-ka

da-an-ni-iš lu šu-ul-mu

iš-tu ka-ra-in-da-aš iš-tu DUMU.MEŠ ši-ip-ri

ša ab-bi-ka a-na mu-uḫ-ḫi ab-bi-ia it-ta-al-la-ku-ni

a-di i-na-an-na ṭa-bu-tu šu-nu

i-na-an-na a-na-ku u₃ ka-ša ṭa-bu-tu ni-nu

DUMU.MEŠ ši-ip-ri-ka a-di 3-šu it-ta-al-ku-ni

u₃ šu-ul-ma-na ba-na-a mi-im-ma ul tu-še-bi-lam

u₃ a-na-ku-ma šu-ul-ma-na ba-na-a

mi-im-ma ul u₂-še-bi-la-ku

a-na ia-a-ši-ma mi-im-ma ul aq-ra

u₃ a-na ka-ša-ma mi-im-ma ul a-qar-ku

DUMU ši-ip-ri-ka ša ta-aš-pu-ra

20 MA.NA KU₃.SIG₁₇ ša na-ša-a ul ma-li

u₃ a-na u₂-tu-ni ki-i iš-ku-nu 5 MA.NA KU₃.SIG₁₇ ul i-la-a

[x x x x] ⸢ša⸣ i-la-a i-na ṣa-la-mi pa-an di-ki-ni ⸢ša-ki⸣-in

[KU₂.GI im-ma]-⸢ti⸣-ma-a uʾ-e-du

[x x x x x x ni]-⸢nu⸣ ṭa-bu-tu it-ti a-[ḫa-mi-iš]

[x x x x x x x x] ⸢ul⸣ ip-⸢pu⸣ [x x]

[...]

[...]

[...]

...

[x x (x)]-e ša ri-mi a-na x x [...]

[x (x)] x x-i-mu-šu-nu-ti DUMU ši-ip-ri-ka ki-i il-x x

li-il-qa-a

u₃ NAGAR.MEŠ le-u₂-tu i-tu-ka i-ba-aš-šu-u₂

u₂-ma-ma lu ša ta-ba-li lu ša ID₂

a-⸢na-pi⸣-i ba-al-ṭi li-ma-aš-ši-lu-ma ma-aš-ku

ki-i ša ba-al-ṭi-ma lu e-pu-uš DUMU ši-ip-ri-ka li-il-qa-a

u₃ šum-ma la-bi-ru-tu ep-šu-tu i-ba-aš-šu-u₂

ki-i ^mši-in-di-šu-ga-ab DUMU ši-ip-ri-ia ik-ta-al-⸢da^!⸣-ku

GIŠ.GIGIR.⸢MEŠ⸣ ki-i ka-al-li-e ḫa-mu-ut-ta li-iš-ša-am-ma

a-na mu-⸢uḫ⸣-ḫi-ia li-ik-šu-da

u₃ ⸢eš-šu⸣-ti ar-ku-ti li-pu-šu-ma

ki-i DUMU ši-ip-ri-ia u₃ DUMU ši-ip-ri-ka il-la-ka

it-ti a-ḫa-mi-iš li-il-qu₂-ni

a-na šu-ul-ma-ni-ka 2 MA.NA NA₄.ZA.GIN₃ ul-te-bi-la-ku

u₃ aš-šu ⸢DUMU⸣.MUNUS-ka ^fma-i-ia-⸢at⸣ ki-i eš-mu-u₂

1 NA₄.⸢GU₂⸣ ša ti-im-⸢bu⸣-e-ti ša NA₄.ZA.GIN₃

1 lim 40 u₃ 8 mi-nu-ši-na

a-na šu-ul-ma-ni-ša ul-te-bi-la-aš-ši

u₃ ki-i DUMU ši-ip-ri-ka it-ti ^mši-in-di-šu-ga-ab

[il-la-ka x-x-x] e-pu-uš-ma u₂-še-ba-⸢la-aš-ši⸣