Sargon II 014

É.GAL ^mLUGAL-GI.NA LUGAL^† GAL-ú LUGAL dan-nu

LUGAL kiš-šá-tim LUGAL KUR aš-šur.KI GÌR.NÍTA

KÁ.DINGIR.RA.KI LUGAL KUR EME^†.<GI₇> ù URI.KI^†

mi^†-gir DINGIR.MEŠ ⸢GAL⸣.[MEŠ] ša^† ZIMBIR^†.KI NIBRU.KI

KÁ.DINGIR.RA.KI ù bár-sipa.KI

za-nin-us^†-su-un^† e-tep-pu-[šá] ša ⸢BÀD^†⸣.AN^†.KI

ÚRI^†.KI UNUG.KI eridu.KI ARARMA.KI kul-⸢la⸣-[ba.KI]

ki-sik.KI URU.né-med-⸢^d⸣la-[gu]-da^† ⸢áš⸣-[kun]

an-⸢du⸣-ra-ar^†-šu-un za-kut [bal]-til.KI^†

⸢ù⸣ [URU].ḫar-ra-[na] ša^† ul-[tu] ⸢u₄^†⸣-me^† ul-lu-ú-ti

im-ma-[šu]-⸢ma⸣ [ki-din]-nu-⸢us⸣-[su-un] ba-ṭil-ta^† ú^†-ter^† áš^†-ru-uš-šá^†

i-na e^†-muq^† DINGIR.MEŠ GAL^†.MEŠ EN^†.MEŠ-<ia> lu at-a-lak^†-ma KUR.[MEŠ]

la ma-gi-ri ḫur-šá-a-ni la kan^†-šu-ti ú-šak-ni-šá

a-na GÌR.II-ia iš-tu KUR.ia-ad-na-na ša^† MURUB₄ tam-tim

ša e-reb ^dUTU-ši a-di ⸢pa⸣-aṭ KUR.mu-ṣu-ri ⸢ù⸣ KUR.mu-uš-ki

KUR MAR.TU.KI DAGAL-tim KUR.ḫat-ti a-na si-⸢ḫir⸣-ti-šá

nap-ḫa-ar^† gu-ti-um.KI KUR.ma-da-a-a ru-qu-ú-ti

ša pa-aṭ KUR.bi-ik-ni KUR.el-li-pi KUR.ra-a-ši

ša i-te-e KUR.ELAM.MA.KI LÚ.a-ra-me šá a-aḫ ÍD.IDIGNA

ÍD.su-rap-pi ÍD.uq-né-e gi-mir^† LÚ.su-ti-i

ṣa-ab EDIN ša KUR.ia-ad-bu-ri ma-la ba-šu-ú

ul-tu URU.sa-am-ʾu-ú-na URU.KÁ-BÀD URU.BÀD-^dte-li-tim

URU.bu-bé-e URU.DU₆-^dḫum-ba ša mi-ṣir KUR.ELAM.MA.KI

KUR.kár-dun-ía-áš e-liš u šap-liš si-ḫir-ti LÚ.kal-di

mal^† ba-šu-ú KUR.É-^mia-kin₇ šá [ki-šad] ÍD.mar-ra-ti

⸢a⸣-di pa^†-aṭ NI.TUK.KI mit-ḫa-riš^† lu a-⸢bel⸣-ma LÚ.šu-⸢ut⸣ SAG.[(MEŠ)]-ia^†

LÚ.EN.NAM.MEŠ UGU-šú-nu áš^†-tak-kan-ma ⸢ni⸣-[ir] be-lu-ti-ia

e-mid-su-nu-ti ⸢i-na⸣ u₄-me-šu-[ma i]-na ba-ḫu-la-ti

na-ki-ri ki-šit-ti ŠU.II-ia [ša ^d]aš-šur ^dAG^†

ù ^dAMAR.[UTU a-na] GÌR.II^†-ia ú-[šak-ni-šú-ma i]-šu-⸢ṭu⸣

ab-šá-a-ni^† [ki]-i ⸢ṭè⸣-em^† DINGIR-ma^† i^†-[na GÌR].II KUR.mu-uṣ^†-ri

e-⸢le⸣-[nu NINA.KI i]-na bi-⸢bil⸣ [lìb]-⸢bi^†⸣-ia^† URU^† e-pu^†-uš-ma

URU.BÀD-LUGAL-[GIN az-ku]-ra [ni-bit]-⸢su⸣ É.GAL.MEŠ

ZÚ AM.SI GIŠ.ESI [GIŠ.TÚG] GIŠ.⸢mu⸣-suk-kan-ni GIŠ.ere-ni GIŠ.ŠUR.MÌN

GIŠ.dup^†-ra-nu ŠIM.LI ù GIŠ.bu-uṭ-ni [a-na mu-šab] ⸢LUGAL⸣-ti-ia

qer-bu-uš-šú ab-ni-ma GIŠ.[ÙR.MEŠ GIŠ].⸢ere⸣-ni GAL.MEŠ e-li-šin

ú-[šat-ri-ṣa GIŠ.IG.MEŠ GIŠ].ŠUR.MÌN GIŠ.mu-suk-kan-⸢ni⸣ [mé-se-er] URUDU^† ⸢nam⸣-[ri]

ú-[rak-kis-ma ú-rat-ta-a né-reb-šin É] ap-pa-a-ti tam-šil

É.⸢GAL⸣ [KUR.ḫat-ti ša i-na li-šá-an KUR MAR.TU].⸢KI⸣ É^† ḫi-la-ni

i-šá-as-⸢su⸣-[šú ú-še-pi-šá mé-eḫ-ret ba-bi-ši]-in^†

[8 UR.MAḪ tu]-⸢ʾa⸣-a-me šu-ut 1 ⸢šar₅^?⸣ [GÉŠ.U 6 UŠ 50.ÀM] ⸢GUN⸣

[mal-tak-ti URUDU nam-ri šá ina ši-pir ^d]⸢nin⸣-á-gal^† ip-pat-⸢qu⸣-[ma ma-lu-ú nam-ri-ir-ri]

[4 GIŠ.tim-me GIŠ.EREN šu-ta]-⸢ḫu⸣-ti ša 1 NINDA.[TA.ÀM ku-bur-šú-un bi-ib-lat KUR.ḫa-ma-ni]

[UGU pirig-gal-le-e ú]-⸢kin⸣-ma dáp-pi ku-⸢lul⸣ [KÁ.MEŠ-šin e-mid UDU.MEŠ šad-di ^dLAMMA MAḪ.MEŠ]

[šá NA₄ KUR-i eš]-⸢qí⸣ nak-liš ⸢ú⸣-[še-piš-ma a-na er-bet-ti šá-a-ri]

[ú-šá-aṣ-bi-ta SI].GAR-šin^† as^†-[kup-pi NA₄.pi-i-li GAL.MEŠ]

[da-ád-me ki-šit-ti qa-ti-ia ṣe-ru-uš-šin] ⸢ab⸣-šim-⸢ma⸣ [...]